هههههههههههه يالهوى على دا امتحان

بسم الله الرحمن الرحيم

أختبار اللغة العربية
للثانوية العامة
المرحلة الخامسة

وقت الاجابة : خلص نفسك و اجري

ان شاء الله هنشوفك السنة الجاية يا مشمش

اسم الطالب: ناسي البطاقة في البيت يا معلم
نوع الطلب :علمي علمك
عدد الطلبات : طلب واحد شاي
عنوان المنزل: (( في حالة الانتحار او الوفاة )) :
اول ناصيه على ايدك اليمين
تليفون المنزل : اتنين صفر و اربعه خضر

هذا الامتحان برعايةبيبسي كولا
دلوقتي .. بيبسي الصاروخ بجنيه واحد بس ...
وهتفضل تغلى لغاية ماتبطلها (( وراك وراك ))

ملاحظة: اجب عن الأسئلة التعجيزية التالية و عددها ( 6 ) إجباري
و ( 1 ) اختياري على أن يكون مجموع الأسئلة (7).

ملاحظة:
عجلة الجاذبية 9.8 ( في حالة انك حبيت تنط من الشباك )

يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

يعنى أحسنلك بص فى ورقتك يا أمور
ما أنت ساقط ساقط

السؤال الأول (20 درجة )

قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

الأسئله

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)

2- لماذا أكد الشاعر على القصد الشريف و النية الصادقة ،
مش زى نيتك الوحشةو علام يدل قوله (( هزيها بشويش بشويش )) ؟ (3 درجات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)

4- استخرج من البيت الثالث صورتين فوريتين مبينا نوع الكاميرا إذا كانت دجيتال /عادى مع بيان السبب (3 درجات)

مساحة خالية للإعلان
ت : واحد اتنين .. الجيش العربي فين

السؤال الثاني ( 8 درجات )

1- تم نقل السوق المالي إلى سوق السمك ؟ (2درجة)

2- إقبال الناس الى شراء نوكيا 9990 و عدم شراء نوكيا 9900 ؟ (2درجة)

3- إغلاق شبكة الأخبار Pnn بعد زواج شارون ستون ؟ (2 درجة)

4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجة)

*** أخي الممتحن أقلب الصفحة: والله لتندم عالساعة اللي دخلت فيها المدرسة ***من رأى الشخصى كواضع للأمتحان سيب الورقة وقوم****

السؤال الثالث –اختياري- (5 درجات)

اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

( ورد ذكر اسم هذا الرجل في اكثر من مسلسل تليفزيوني )؟ (5 درجات)

فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

يا رب أشوفك فى أمتحان الدور التانى يا كتكوت أنت وهو
وورينى شطرت

هههههههههههه يالهوى على دا امتحان 474cb242fa

هههههههههههه يالهوى على دا امتحان 474cb242fa

@hesham@

امتحااااااان سهل جدا وكلهم هينجحوا بعد القز من الدور العاشر

hhhhhhhhhhhhhhhhh ya lahwyyyyyyyyy