1-
تحب ومتتحبش.
2-
امك تتحكم فيك و تخليك تقفل النت بدري وانت يا حرام نفسك تتكلم مع اللى بتحبها
3-
بعد عمل يوم شاق تلاقى الميه قاطعه.
4-
تستقبل جواب تنتظره من فتره ويطلع فيه خبر وحش.
5-
تدخل السرير فى عز البرد و تنام فى الدفا على صوت المطر وابوك يقولك انزل هات حاجه من الشارع.
6-
تلاقى الجاكيت اللى كان نفسك تجيبه خلص من المحلات كلها
7-
تشرب كاكاو سخن وانت بردان وتلاقى فى قعر المج
صرصاااااااار ميت.
8-
تملا البانيو وتحط فيه صابون وتنط تتزحلق وتتخبط ومتعرفش تستحمى لمده اسبوع .
9-
حد يقولك قد ايه انت رزل وتبت ودمك تقيل.
10-
تقعد تحكى وتتكلم مع صديق وهو مش عايز يسمعك.
11-
تصحى الصبح بدرى عشان تروح الشغل تبص فى الساعه تلاقى انك متأخر ساعه .
12-
تحط ايدك فى جيب الجاكيت اللى بقالك سنه ملبستوش وتلاقى فيه بريزه.
13-
تسمع اول كلمه حب فى حياتك من حد انت مبتحبوش
14-
تجيب الكلب أو القطه اللى كان نفسك فيهم وبابا يهزقك ويرميه فى الشارع
15-
تحلم حلم جميل وحد يصحيك فى نصه.
16-
تتمرجح على المرجيحه اللى بتحبها وتتكسر وانت بتتمرجح.
17-
تدخل فيلم رومانسى مع حبيبك ويطلع الفيلم ساقط
18-
تجيب لصاحبك او حبيبك هديه ويقولك "ايه اللى انت جايبه ده ؟؟؟
19-
تكسب فى مسابقه ويدوك الجايزه ورده
20-
تدخل المطبخ وتعمل الاكله اللى أنت بتحبها بنفسك وتنساها وتتحرق او تطلع متتاكلش
.21-
تمسك ايد حبيبك تقولك شيل ايدك بدل ما اقطعهالك.
22-
تقعد وقت الغروب فى وسط الزروع وتتفرج على الساقيه وتيجى الجاموسه تلحس فى شعرك.
23-
تلاقى حد يحزنك وانت الفرحه ماليه قلبك
.24-
تقعد على البحر وقت الشروق تيجى موجه تغرقك.
25-
متلاقيش حد يطبطب على ظهرك وانت متضايق.
26-
تجرى تجيب حاجه ساعقه من الماركت الوحيد اللى فاتح فى عز الحر ويقولك" والله لسه العربيه جايبه الصناديق دلوقتى ؟؟؟".
27-
تلاقى حد ينظر لك نظره احتقار عمرك ما كنت تتمناها
.28-
كل الناس تقسو عليك فى الوقت اللى انت محتاج فيه حنيه.
29-
تشرب حاجه سخنه وانت واقف تحت المطر ييجى واحد بيجرى من المطر يخبطك يوقعها.
30-
تاخد راحه وتتمشى فى الجنينه وسط الخضره تلاقى الجناينى لسه راشش الجنينه والكوتشى يبقى لونه اسود.
31-
حد يعملك مفاجاه رخمه وتكون انت مبتحبوش اصلا.
32-
تصحى من النوم كل يوم الصبح تبتسم وتشكر ربنا على يوم ثانى جميل هتعيشه والتليفون يرن تعالى حالا المدير قالب الدنيا عليك وعايزك.
اتمنى ان يكون الموضوع ينول اعجابكم
وفى انتظار المشاركات
موضوع: اسوء32حاجه فى الحياه 
الأربعاء 17 فبراير - 8:20
